Asistensia ku Edukashon
Mucha tin derecho riba un kas seif. Un lugá kaminda nan por krese di forma saludabel. Kaminda nan ta haña bon guia. I tambe atenshon, kalor i un ambiente seif. Jeugdzorg ta yuda mucha i nan mayor(nan) ora edukashon ta bira difísil. Jeugdzorg e ora ei por duna asistensia personalisá.
Kua asistensia ku edukashon mas Jeugdzorg ta ofresé?
- Implementá Kuido di kriansa ora esei ta nesesario.
- Redaktá un areglo di bishita entre mayor i mucha.
- Implementá Mediashon di moda ku e mayornan ta siña papia mihó ku otro.
- Ehekushon di un Ponementu bou di Supervishon (Onder Toezichtstelling, OTS).
- Guia hóbennan durante un medida di rehabilitashon sosial pa hóben.
Tin biaha mayornan ta haña asistensia obligatorio ku edukashon di nan yu. Esei ta sosodé ora e problemanan den un famia ta hopi grave. I ora siguridat di un mucha ta na peliger. Un famia tambe por haña asistensia obligatorio, ora asistensia boluntario no ta yuda. Òf ora nan no ta aseptá asistensia boluntario.