Asistensia ku edukashon personalisá
Kada mucha mester por krese seif. Pero eduká un mucha por ta hopi difísil. Tin biaha kos no ta bai bon i tin problema dor di kua un mucha no por desaroyá su mes bon. Jeugdzorg e ora ei por yuda solushoná e problemanan. Huntu nos ta wak kon nos por sostené un famia mas mihó.
Nos punto di salida ta e forsa di un famia i di e hendenan rondó di dje. Por ehèmpel famia òf amigu. Hende ku ta konfia e mayor i e mucha i ku tin gana di yuda e famia. Jeugdzorg huntu ku e famia ta redaktá un plan i ta aktua ora ta nesesario.
Ki ora Jeugdzorg por yuda?
- Ora tin problema serio ku e edukashon.
- Ora mayor òf yu tin problema di komportashon.
- Ora un mayor tin problema dor di stress, sobrekarga òf pobresa.
- Ora mayor(nan) tin problema ku nan relashon òf ta bai for di otro.
- Ora tin problema ku alkohòl òf droga den un famia. Sea serka e mayor(nan) òf e mucha.
Profeshonalnan di Jeugdzorg
Un mucha tin problema? E ora ei Jeugdzorg ta pone bo den kontakto ku un profeshonal di Jeugdzorg. Esaki ta un hende ku tin hopi eksperensia ku guia di famia. E Profeshonal di Jeugdzorg ta yuda famianan kaminda tin problemanan kompliká. Di moda ku un mucha por krese seif. E Profeshonal di Jeugdzorg ta pèrkurá pa tur hende tene su mes na e palabrashonnan. Serka ún famia semper nos ta traha ku ún plan i ún Profeshonal di Jeugdzorg. Nos ta duna asistensia personalisá e ora ei.
Pidi yudansa
Tin biaha ta difísil pa balorá si mester di yudansa. I tin biaha bo mester di kurashi pa pidi yudansa serka un otro hende. Bo tin duda? No warda muchu, pero tuma kontakto ku Jeugdzorg. Den konsulta ku bo i bo famia Jeugdzorg ta traha un plan. Huntu nos ta wak kiko ta e mihó solushon.
Buska yudansa mesora ora den un famia por papia di:
- Violensia doméstiko
- Maltrato
- Negligensia
- Abuzu seksual
"Mi ta mira ku mi yu muhé di 15 aña no ta bayendo bon. Tin hopi problema den nos famia. P’esei e ta retirá su mes kompletamente. Mi ke yud’é sí, pero mi no sa kon. Mi tin mester di yudansa p’esei."