Studia na Hulanda | Kuido & Hubentut CN

Studia na Hulanda? Regla bo seguro médiko na tempu!

Bo ta un studiante for di Boneiru, Sint Eustatius òf Saba (Hulanda Karibense) i bo ta bai studia na Hulanda? Regla bo seguro médiko bon promé ku bo salida. Mayoria studiante tin e obligashon di sera un seguro médiko na Hulanda. Un punto importante: na momentu ku bo a saka bo nòmber for di e registro sivil na e islanan, bo no ta sigurá via ZJCN mas.

Pakiko un seguro médiko?

Prevení gastunan haltu: Sin seguro médiko bo ta kore riesgo di gastu di kuido haltu. Kuido di salú na Hulanda ta mas karu ku na e islanan.
Evitá but: Ora bo tin e obligashon di sigurá i bo no sera un seguro médiko básiko, bo ta haña un but. CAK ta kontrolá esaki. P’esei sòru pa semper bo kumpli ku e regulashonnan.

Mas splikashon i informashon di fondo tokante esaki bo por haña den e video aki.

Kua situashon ta konta pa mi?

Kiko bo mester hasi:

Promé ku bo sali pa eksterior regla un seguro di transishon.
Mesora despues di bo yegada na Hulanda, regla un seguro médiko hulandes.

Splikashon:
Si bo estudio na Hulanda ta dura tres aña òf mas, bo tin e obligashon pa regla un seguro médiko básiko hulandes. Bo por pidi bo seguro médiko unabes ku bo ta inskribí na un munisipio (hulandes oropeo) i ora bo tin un kuenta di banko hulandes. P’esei, inskribí bo mes mesora despues di bo yegada serka e munisipio kaminda bo ta bai biba i pidi un kuenta di banko hulandes.

Kiko bo mester hasi:

Tuma kontakto ku SVB Hulanda pa un ‘investigashon Wlz’. Lesa aki kon mester hasi esei.
Ora SVB indiká ku bo tin e obligashon di ta sigurá:
- Promé ku bo sali pa eksterior regla un seguro di transishon.
- Regla un seguro médiko hulandes mesora despues di bo yegada na Hulanda.
Ora SVB indiká ku bo no tin e obligashon di ta sigurá:
- ZJCN ta regla bo seguro médiko. Basta tempu promé ku bo salida tuma kontakto via studentenBES@zorgverzekeringskantoor.nl

Splikashon:

Studiantenan ku ta keda na Hulanda pa ménos ku tres aña i ta bai Hulanda únikamente pa estudio, por bini na remarke pa e Wet langdurige zorg (Wlz, Lei di kuido riba plaso largu). Pa determiná esei, bo mester pidi un ‘investigashon Wlz’ serka Sociale Verzekeringsbank (SVB, Banko di Seguro Sosial) na Hulanda.

Tin un grupo chikí di studiante ku no tin nodi di sera un seguro médiko básiko i pa ken ZJCN ta regla e seguro Masterplan+:

Studiantenan for di Hulanda Karibense ku ta studia na Hulanda pa ménos ku tres aña, i pa ken Sociale Verzekeringsbank (SVB, Banko di Seguro Sosial) a stipulá ku nan no ta obligá pa tin un seguro.
Menornan di edat te ku e luna ku nan ta kumpli 18 aña;
Hende ku enfermedat króniko te ora nan tin un seguro médiko básiko.

Kiko bo mester hasi:
Mèldu bo situashon basta tempu promé ku bo salida serka ZJCN via studentenBES@zorgverzekeringskantoor.nl

Kon mi ta regla mi seguro médiko?

Promé ku bo bai:
- Regla un seguro di transishon. ZJCN ta konsehá studiantenan pa sera e Seguro Masterplan+ di Insure2Study. Na momentu ku bo a saka bo nòmber for di e registro sivil na Boneiru, Sint Eustatius òf Saba, bo no ta sigurá via ZJCN mas.
Despues di yegada:
- Inskribí bo mes denter di sinku dia despues di bo yegada serka bo munisipio. Esaki ta konta pa tur studiante ku ta bin biba mas ku 8 luna na Hulanda.
- Pidi un seguro médiko básiko mas pronto posibel serka un aseguradó hulandes.

Tepnan importante

Bo tin mester di ayudo? Laga TuranGoeloe guia bo. Nan por yuda bo regla bo seguro médiko i yuda ku otro pasonan. Ta mihó pa bo hasi preguntanan ku ta trata spesífikamente ku seguro médiko na SKGZ.
Inskribí serka bo munisipio: Sòru pa bo inskribí bo mes mesora despues di bo yegada serka e munisipio unda bo ta bai biba.
Habri un kuenta di banko hulandes: Bo mester tin un kuenta di banko hulandes ora bo ke sigurá bo mes na Hulanda. Despues ku bo a inskribí bo mes serka bo munisipio bo por hasi esaki mesora.
Zorgtoeslag: Si bo tin un seguro médiko básiko, posiblemente bo por pidi un zorgtoeslag. Esaki lo baha bo gastunan mensual konsiderablemente. Kontrolá bo opshonnan riba toeslagen.nl.
No djis skohe e seguro di mas barata: Sòru ku bo ta bon sigurá pa bo situashon personal. Un seguro barata por resultá mas karu ora ku kuido importante no ta kubrí òf ora bo skohe pa un riesgo propio haltu. Esaki por tin konsekuensia finansiero grandi pa bo òf pa bo mayornan/kuidadónan.

Informashon di kontakto

Den kaso di duda, pregunta, òf pa sosten bo por akudí na:

Regla tur kos na ora i kuminsá bo estudio na Hulanda sin preokupashon!

Studia na Hulanda? Regla bo seguro médiko na tempu!

Pakiko un seguro médiko?

Kua situashon ta konta pa mi?

Mi ta un studiante for di Hulanda Karibense, di 18 aña òf mas, i mi ta bai studia na Hulanda pa tres aña òf mas.

Mi ta un studiante for di Hulanda Karibense i mi estudio na Hulanda ta dura ménos ku tres aña.

Eksepshonnan: Un di e situashonnan aki ta konta pa mi?

Kon mi ta regla mi seguro médiko?

Promé ku bo bai:

Despues di yegada:

Tepnan importante

Informashon di kontakto