Studia den eksterior? Esaki bo mester sa tokante bo seguro di kuido médiko
Ora bo bai studia den eksterior, esaki por tin konsekuensianan pa bo seguro médiko. Ta importante pa sa si bo ta sigui sigurá, i kua pasonan bo mester tuma eventualmente. Riba e página aki bo ta haña informashon dirigí tokante kada pais òf region, pasobra kiko eksaktamente bo mester regla, ta dependé di bo destinashon.
Bo ta bai studia un otro kaminda
Ora bo bai studia na Aruba, Kòrsou òf Sint Maarten, bo ta sigui ta sigurá via ZJCN.
Den e kaso aki dos obligashon ta konta pa sigui ta sigurá:
Obligashon di mèldu
Promé ku bo salida pa eksterior bo mester mèldu ku bo ta bai studia den e region. Por hasi esaki dor di pasa na e ofisina di ZJCN òf dor di manda un e-mail pa studentenBES@zorgverzekeringskantoor.nl. Den bo e-mail mèldu e fecha di salida, e instituto di enseñansa i e estudio ku bo ta bai sigui.
Deklarashon di skol
Bo tin e obligashon pa kada aña eskolar suministrá un deklarashon di skol aktual. Bo por manda esaki via e-mail pa studentenBES@zorgverzekeringskantoor.nl.
Si bo ta bai studia na Merka, bo mes mester sera un seguro médiko. E gastunan pa e seguro aki bo por deklará te un montante di USD 2.500 pa aña serka ZJCN.
Mas informashon tokante deklarashon di gastu médiko bo por haña aki.
Tin dos obligashon na vigor:
Obligashon di mèldu
Bo mester mèldu promé ku bo salida ku bo ta bai studia na Merka. Por hasi esaki dor di pasa na e ofisina di ZJCN òf dor di manda un e-mail pa studentenBES@zorgverzekeringskantoor.nl. Den bo e-mail mèldu e fecha di salida, e instituto di enseñansa i e estudio ku bo ta bai sigui.
Deklarashon di skol
Bo tin e obligashon pa kada aña eskolar suministrá un deklarashon di skol aktual. Bo por manda esaki via e-mail pa studentenBES@zorgverzekeringskantoor.nl.
