BESt Care ta e suministradó preferí di aparato i material médiko na Hulanda Karibense. Botikanan tambe ta ofresé un kantidat di material médiko, pero mayoria di e produktonan ta solamente optenibel na BESt Care. E reembolso ta dependé di e kantidat máksimo legalmente permití. Aki bou bo ta haña un sekshon di pregunta- i kontesta pa mas informashon tokante e regla pa aparatonan i material médiko na Sint Eustatius i Saba.
BESt Care tin un surtido mas amplio di medionan ousiliar. Ku apertura di e tiendanan na Sint Eustatius i Saba, mas artíkulo lo ta optenibel i aksesibel. Bo tin siguransa di aparato di kalidat haltu ku garantia i servisio. Mantenshon i reparashon di e aparatonan tambe ta posibel den e tienda.
BESt Care ta suministrá tur medionan ousiliar menshoná den e RAZ BES i e Regulashonnan pa Aparatoi Material Médiko, ku eksepshon di lansèt di repi di tèst di glukosa, ‘aero chamber’, angua di inyekshon, spùit, i pen di inyekshon ku kartucha. Bo por optené e aparatonan aki na botika.
E kantidat máksimo ta basá riba e nesesidatnan promedio di un pashènt.
Den algun kaso, bo por pidi mas material, pero ZJCN mester aprobá esaki. Bo dòkter di kas/spesialista médiko por entregá un petishon ku un splikashon por eskrito di e nesesidat médiko pa ahustá e kantidat na bo situashon.
Si bo surpasá e kantidat máksimo sin pèrmit di ZJCN, bo ta responsabel pa e gastunan adishonal. P’esei ta importante pa semper pidi pèrmit di ZJCN promé ku pidi yudansa òf suministro adishonal.