Tin bia bo tin mester di un medio ousiliar pa por funshoná bon den bida diario, por ehèmpel den kaso di un limitashon, un malesa króniko òf rekuperashon temporal. Den hopi kaso bo tin derecho riba un kompensashon pa medionan ousiliar. Posibel medionan ousiliar ta:
- Prótesis
- Medionan ousiliar antikonseptivo
- Ferbant
- Angua
- Medionan ousiliar pa mira, tende, mobilidat òf hala di rosea
- Medionan ousiliar den kaso di diabétis
- Medionan pa duna kuido
- Medionan ousiliar pa kompensashon di pèrdida di funshon den tubunan di sanger i linfátiko òf den brasa, man i dede
- Medionan ousiliar kontra doló króniko
- Medionan ousiliar pa komunikashon i señalamentu
- Medionan ousiliar pa duna kuminda òf infius
- Muebles pa adaptá bibienda
- Medio i gastunan pa dialisá na kas
Un resúmen detayá di e medionan ousiliar ku bo por tin derecho ariba, bo ta haña den Regeling aanspraken zorgverzekering BES, párafo 7, artíkulo 1.7.5-1.7.31.
Pa sierto medio ousiliar, manera kompra di un ròlstul mester di aprobashon promé di ZJCN. Bo dòkter ku ta duna bo tratamentu òf e proveedó di medionan ousiliar sa pa kua medionan ousiliar esaki ta konta. Tambe ta pidi un kontribushon propio pa algun medio ousiliar. Kambio, remplaso ò drechamentu di medionan ousiliar ta inkluí, a ménos ku por papia di deskuido. ZJCN ta determiná si e aparatonan ku kumpra ta bira propiedat òf ku ta fia nan.