Habitantenan di Boneiru ku ta biba na kas independientemente pero pa motibu di un limitashon no por partisipá na fasilidatnan general, por akudí na e Lokèt Aksesibel di Sentro Akseso pa nan fasilidat personalisá. Fasilidatnan personalisá ta por ehèmpel pasatempu diario, kuido na kas, fasilidat di kuminda òf medio ouksiliar médiko.
Un fasilidat personalisá ta un servisio òf produkto ku ta yuda un hende ku un malesa pa por biba independientemente. Un ehèmpel di un fasilidat personalisá ta un ròlstul, pero pasatempu diario òf kuido na kas tambe ta fasilidatnan personalisá. Un fasilidat personalisá no mester kompartí ku otronan.
Un hende tin derecho riba un fasilidat personalisá ora, pa motibu di un malesa òf problemátika spesial, e no por hasi uso di fasilidatnan general, manera aktividatnan den un kas di bario, i e mes tampoko no ta kapas pa organisá ayudo, sea ku yudansa di famia òf amigu, sí òf nò.
Tin diferente kondishon ku un hende mester kumpli kuné pa bini na remarke. Asina, un hende mester tin minimalmente 18 aña, i e mester ta den poseshon di un pèrmit di estadia bálido. Tambe, lo buska solushonnan denter di e ret sosial di e petishonario promé.
Nò, fasilidatnan personalisá ta pa tur hende ku tin mester di esei i ku ta kumpli ku e kondishonnan, sin importá edat. Bo mester tin minimalmente 18 aña sí pa bini na remarke. I bo mester ta den poseshon di un pèrmit di estadia bálido pa Boneiru.
Bo ke pidi un fasilidat personalisá? Bo ta hasi esei na e Lokèt MO di Akseso. E trahadó sosial di Akseso ta traha un sita ku bo pa un promé konsulta. Nan lo guia bo ku e petishon.
Na Boneiru nos konosé algun fasilidat personalisá. Esakinan ta por ehèmpel pasatempu diario, fasilidat di kuminda, ayudo ku limpia kas i remplaso di kuido. Bou di fasilidatnan personalisá tambe ta kai algun medio ouksiliar i adaptashon na bibienda. Pa algun fasilidat tin un tempu di espera na vigor.
E trahadó sosial di Akseso ta hasi e promé konsulta pa bo. Nan ta manda nan konseho i nan formulario di promé konsulta pa ZJCN. ZJCN ta determiná si bo ta bini na remarke pa e fasilidat personalisá ku a pidi. Ora esei ta e kaso, bo ta risibí un disposishon na kas. Esaki ta un karta ku ta bisa kua fasilidat personalisá bo ta haña i pa kuantu tempu. E dunadó di e fasilidat personalisá denter di 5 dia di trabou lo tuma kontakto ku bo pa traha un sita. Si tin un tempu di espera, e dunadó lo informá bo tokante esei.
Sí, ora bo no ta di akuerdo ku e disposishon, bo por entregá un keho. E karta ku bo ta haña ta bisa eksaktamente kon bo por entregá e keho i unda bo por entregá e keho.