Tarheta di seguro di kuido médiko

Na 2024 Kuido & Hubentut Hulanda Karibense (ZJCN) a introdusí un tarheta di seguro médiko físiko na Boneiru, Sint Eustatius i Saba. E tarheta di seguro médiko ta e remplaso di e prueba di seguro di papel. Promé ku esei bo mester a buska un komprobante di seguro pa un biahe pa eksterior serka e ofisina di ZJCN. Ku introdukshon di e tarheta di seguro médiko, esaki no ta nesesario mas.

Kiko tin pará riba bo tarheta di seguro médiko?

  • Bo nòmber di dilanti, fam, number di ID, fecha di nasementu i lugá di biba (Boneiru, Sint Eustatius òf Saba).
  • E datonan di kontakto di ZJCN pa komunikashon rápido den kaso di emergensia den eksterior.

Ki ora bo ta usa e tarheta di seguro médiko?

  • Den kaso di emergensia médiko inesperá den eksterior, ora e tratamentu no por warda te ora bo ta bèk riba bo isla. Den e kaso ei, tuma kontakto ku ZJCN mas pronto posibel.
  • Lokalmente serka dòkter di kas, hospital, botika i laboratorio na Boneiru, Sint Eustatius i Saba.

Buska bo tarheta di seguro médiko durante oranan di konsulta sin sita na ofisina di ZJCN

Pa hasi buskamentu di e tarheta di seguro médiko mas fásil, awor bo por pasa durante nos oranan fiho di konsulta sin sita na e ofisina di ZJCN na Kaya Grandi 91:

  • djaluna, djárason i djabièrnè: di 8 or pa 12 or di mainta
  • djamars i djaweps: di 1 or pa 4 or di atardi

Tòg bo ta preferá di traha un sita?

Ta posibel tambe pa traha un sita adelantá. Manda un e-mail pa zorgpas@zorgverzekeringskantoor.nl i tambe menshoná bo nòmber kompleto, bo number di sédula i bo number di telefòn. Nos lo tuma kontakto ku bo mas pronto posibel pa plania un sita.

Kiko bo ta trese pa bo sita?

Bo mes no por pasa? (Buska via un outorisashon)

Si bo no por bini personalmente, un otro hende por buska e tarheta di seguro médiko pa bo. Mester di lo siguiente pa esaki:

  • Un formulario di outorisashon firmá
  • E sédula original di e persona sigurá (òf un pasport den kaso di menornan di edat).
  • E tarheta di identidat di e apoderado.

Despues ku bo a lesa e informashon aki i e Q&A akibou tin mas pregunta? Manda un e-mail e ora ei pa zorgpas@zorgverzekeringskantoor.nl.