A base di Besluit Zorgverzekering BES, artikel 10, lid 4 (Desishon Seguro médiko BES, artíkulo 10, insiso 4) bo mes por skohe un dunadó di kuido. Bo mes ke skohe un dunadó di kuido? E ora ei bo mester pidi pèrmit serka ZJCN promé. 

Kon e ta traha? 

Ora bo ke bai un otro dunadó di kuido for di esun pa ken bo dòkter di kas òf bo spesialista a referí bo, bo mester entregá un petishon. Esaki mester sosodé promé ku e tratamentu. Petishonnan ku drenta despues lo no tuma den konsiderashon. 

Aprobashon òf desaprobashon 

ZJCN por aprobá òf desaprobá e petishon. Ora tin sufisiente otro dunadó di kuido disponibel ku un kontrakt i ku bon kalidat, ZJCN por nenga e petishon. Pues sòru pa bo tin pèrmit promé ku bo kuminsá ku e tratamentu. 

Pago i kompensashon

Bo mes ta paga e gastunan adelantá. Despues bo ta manda e faktura pa ZJCN. ZJCN ta kontrolá e faktura i ta kompensá un parti òf e montante kompleto. ZJCN no ta paga e dunadó di kuido direktamente. 

Kiko ta nesesario pa un petishon? 

  • Un karta di referensia di e dòkter di kas òf e spesialista. 
  • Un oferta di e dunadó di kuido, ku un deskripshon di e tratamentu i e gastunan. 
  • Un deklarashon di aprobashon firmá dor di bo. 

Paga tinu: Un petishon inkompleto lo no tuma den konsiderashon. 

Reglanan hurídiko

E reglanan ta stipulá den e Besluit zorgverzekering BES (Desishon seguro médiko BES). En prinsipio bo ta bai serka e dunadó di kuido ku ZJCN a selektá. Solamente ku pèrmit previo bo por bai un otro dunadó di kuido. 

E regulashonnan ekstenso tokante skohe un dunadó di kuido ta stipulá den e Desishon Seguro médiko BES, artíkulo 10, insiso 4.  E kondishonnan i areglonan di kompensashon ta deskribí den e Areglo Derecho Seguro médiko BES.

Kon e kompensashon ta traha? 

  • Promé bo ta paga e gastunan di kuido bo mes. 
  • Despues bo por deklará e gastunan serka ZJCN. 
  • E kompensashon ta maksimalmente igual na e tarifa usual pa e kuido aki na bo isla BES. Ora e tarifa ei no ta optenibel, lo wak un tarifa adekuá denter di e merkado hulandes. 
  • Paga tinu: no ta duna karta di garantia, no ta paga forskòt i bo no tin derecho riba kompensashon diario. 

Bo mester deklará sigun e prosedura un biaha so, ku tur e fakturanan huntu. Bo por entregá bo deklarashon via e formulario aki.