Entregá un opheshon
Bo no ta di akuerdo ku un kontribushon ku a imponé, un desishon tokante un derecho riba kuido, òf un otro desishon di ZJCN? E ora ei, denter di seis siman despues ku a manda bo e disposishon en kestion, bo por entregá un opheshon por eskrito.
Bo por manda bo opheshon por eskrito via e-mail pa bezwaar@zorgverzekeringskantoor.nl òf bo por entregá esaki físikamente na bali di e Ofisina di Seguro di Kuido.
E opheshon por eskrito mester kontené por lo ménos e siguiente partinan:
- Bo nòmber i adrès;
- E fecha i bo firma;
- Un deskripshon di e disposishon ku bo ta oponé kontra dje;
- E motibunan pakiko bo no ta di akuerdo ku e disposishon aki;
- Un denominashon di loke ta demandá; i
- (Si bo a outorisá un hende) un outorisashon por eskrito.
Tempu stipulá
Ora no a entregá un karta di oposishon denter di 6 siman, ZJCN ta deklará e opheshon por eskrito inatmisibel i lo no sigui trata e opheshon mas aleu. ZJCN lo kuminsá traha riba bo opheshon mas pronto posibel. Pa trato di un opheshon por eskrito ta konta un término legal di kuater luna. Por ekstendé e término aki un biaha so. Por deklará bo opheshon por eskrito fundá, parsialmente (no) fundá òf no fundá. Si a tuma un desishon tokante bo opheshon, lo bo risibí un desishon tokante e opheshon.
Apelashon serka hues
Bo no ta di akuerdo ku e disposishon òf e trato di bo opheshon dor di ZJCN? E ora ei bo por apelá serka Korte di Promé Instansia di Boneiru, Sint Eustatius i Saba i eventualmente apelá serka Korte Komun di Hustisia di Kòrsou, Aruba, Sint Maarten i di Boneiru, Sint Eustatius i Saba. Tambe konsultá e klóusula di medio legal inkluí den bo disposishon.