Keho
Ora bo tin un keho tokante ZJCN, bo por yena e formulario di keho òf manda un karta. E funshonario di keho ta reakshoná por eskrito riba bo keho. E ta splika kiko e reglanan ta. E término legal pa trato di un keho ta 6 siman.
E funshonario di keho ta hasi esfuerso pa un trato minusioso i efisiente di bo keho i ademas ta buska un solushon adekuá. Den su trabou, e funshonario di keho semper mester keda denter di e kuadronan di e legislashonnan i regulashonnan vigente.
Entregá un keho serka Kolegio disiplinario médiko
Ora e dunadó di kuido no ta aktua sigun e reglanan di kondukta di su profeshon, bo por entregá un keho tambe serka Kolegio Disiplinario Médiko. Esaki ta posibel por ehèmpel ora un dunadó di kuido a aktua ku negligensia, a aktua muchu slo òf a duna muchu tiki informashon.