Bo a bira malu den eksterior? Esaki ta loke bo mester sa
Den eksterior bo no ta sigurá pa gastu médiko. A ménos ku bo tin mester di un tratamentu médiko urgente ku no por warda te ora bo ta bèk.
Ki ora bo ta sigurá?
Bo ta sigurá pa asistensia médiko urgente den eksterior, ora:
- E situashon ta asina grave i agudo ku bo no por warda te ora bo ta bèk na bo isla di residensia.
Paga tinu: lo sigurá solamente e promé tratamentu agudo. Tratamentunan ku ta sigui i otro kuido no ta kai bou di e kobertura aki.
Kiko no ta kompensá?
E seguro nó ta kubri gastunan pa:
- Kehonan no urgente (manera un bishita na un dòkter di kas òf un botika),
- Biahe di regreso òf un estadia mas largu pa motibu di enfermedat,
- Repatriashon den kaso di fayesimentu,
- Pèrdida di ekipahe òf artíkulonan balioso.
Kiko bo mester hasi den kaso di un situashon di emergensia den eksterior?
- Mèldu e situashon di emergensia mas pronto posibel bo mes serka ZJCN (òf laga un hende hasi esei pa bo) via info@zorgverzekeringskantoor.nl òf yama +599 715 8899 (Boneiru), +599 318 3379 (Sint Eustatius), +599 416 3552 (Saba).
- Sòru pa ZJCN risibí un karta médiko for di kua e urgensia ta sali na kla.
- E tim médiko di ZJCN lo huzga e situashon i laga sa via un e-mail si lo kompensá e kuido.
Kon e kompensashon ta traha?
- Bo mes ta paga e gastunan di kuido promé.
- Despues bo por deklará e gastunan serka ZJCN.
- E kompensashon ta maksimalmente igual na e tarifa usual pa e kuido aki na bo isla BES. Ora e tarifa ei no ta optenibel, lo wak e tarifa normalmente kompensá dor di ZJCN na isla BES. Si e tarifa ei no ta disponibel, lo wak un tarifa adekuá denter di e merkado hulandes.
- Paga tinu: no ta duna karta di garantia, no ta paga forskòt i bo no tin derecho riba kompensashon diario.
Bo a haña asistensia médiko i tabata un kaso di emergensia? E ora ei ZJCN por kompensá e gastunan bou di kondishonnan.
Bo mester deklará sigun e prosedura un biaha so, ku tur e fakturanan huntu. Bo por entregá bo deklarashon via e formulario aki.
Deklarashonnan
Bonbini bèk na kas!
Bo tabatin gastunan médiko den eksterior?
Ki tipo di gastu médiko ZJCN ta kompensá?
-Servisio di emergensia: aksidente,malesa agudo ku por pone bida na peliger, hospitalisashon, basta a tuma kontakto ku ZJCN.
O:
- gastu di médiko di akuerdo ku artíkulo 10, párafo 4, ku referensia di bo dòkter i despues di aprobashon di ZJCN;
Ki ora mi por deklará?
E mihó kos ta: mas lihé posibel.
- Tuma nota: lo no prosesá faktura ku un fecha mas bieu ku 12 luna.
- ZJCN lo evaluá bo deklarashon i lo paga bo esaki. Bo mes mester paga e faktura di e dunadó di kuido.
- Basa riba artíkulo 10 párafo 4, semper bo ta paga pa e gastu di médiko adelantá.
- Mas lihé bo deklará, mas lihé nos por notifiká bo.
Kua dokumento mi tin mester di dje?
Pa kada deklarashon, e siguiente dokumentonan ta obligatorio:
- un formulario di deklarashon kompletá i firmá;
- un aklarashon;
- karta di garantia òf motibu di kon bo no a risibí esaki;
- den kaso di malesa den eksterior: un deklarashon médiko di un dòkter den eksterior i un prueba ku bo a tuma kontakto ku ZJCN;
- e fakturanan original di e dunadó di kuido; den kaso di artíkulo 10 párafo 4, tambe e prueba di pago original;
- den kaso di artíkulo 4 párafo 10: e karta di referensia di un speshalista òf dòkter di kas.
Kua ta e kondishonnan pa hasi un deklarashon?
- bo tabata registrá na ofisina di kuido (ZJCN) ora a hasi e gastunan;
- den kaso di malesa, aksidente òf hospitalisashon den eksterior, a tuma kontakto ku ZJCN; manda e prueba di esaki huntu ku e deklarashon;
- un deklarashon ta personal; ta rekerí un deklarashon separá pa kada miembro di famia;
- no por prosesá formularionan di deklarashon ku no ta firmá òf deklarashon inkompleto.
- den e kaso di artíkulo 10 párafo 4: lo kompensá solamente gastu médiko di kua ZJCN a duna pèrmit delantá.
Kiko mas mi mester pone atenshon na dje?
Kontrolá bo informashon!
Bo nòmber, adrès, number di telefòn i number di kuenta di banko ta korekto? Esaki ta importante pa bo pago i e posibel kontakto di ZJCN tokante bo deklarashon.
Traha un sita!
Traha un sita delantá na bo ofisina di kuido pa asina entrega bo deklarashon i pa asina risibí e faktura i prueba di pago prosesá mesora.