Safe Together Strong Together

E kampaña Safe Together Strong Together tin komo meta pa sostené profeshonalnan manera trahadó sosial, dosente i trahadó den kuido ku aplikashon di e Kódigo di Protekshon nobo. Ademas a lanta puntonan di konseho na kada isla kaminda tur hende por akudí pa haña yudansa, konseho òf kontesta riba pregunta.

Kódigo di protekshon pa profeshonal

Entrante promé di yanüari 2025 organisashonnan tin e obligashon pa traha ku e Kódigo di Protekshon. E Kódigo di Protekshon, ku ta konsistí di sinku paso, ta ofresé profeshonalnan klaridat tokante loke ta spera di nan ora nan tin sospecho tokante violensia doméstiko òf maltrato di mucha. Tambe a stipulá un derecho di notifikashon ku kua profeshonalnan por mèldu señalnan di violensia doméstiko òf maltrato di mucha bou di kondishonnan kla.

Kódigo di protekshon pa siudadano

Pa e siudadanonan di e islanan e Kódigo di Protekshon ta nifiká ku e profeshonal ta aktua ku koutela i lo diskutí sospechonan ku e kliente òf ku e mayornan promé ku e mèldu.

Punto di konseho

Siudadano i profeshonal ku preokupashon tokante violensia doméstiko i maltrato di mucha por rekurí na un punto di konseho spesial. Riba kada isla tin un punto di konseho ku ta duna konseho adekuá den kada situashon. E puntonan di konseho aki ta yuda kontestá pregunta, duna sosten i trata ku notifikashon ora esei ta nesesario.   

Bo tin preokupashon tokante bo mes òf un otro persona, òf pregunta tokante e kódigo di protekshon? E ora ei yama: 

Boneiru: Guiami, Sentro Akseso riba 0802-0802 
Sint Eustatius: Statia Strong Support Hotline via +5993184837 
Saba: Domestic Safety Point via +599 416 6936/ 416 3053