Protekshon di hóben
Tin biaha mayornan ta haña yudansa obligatorio ku edukashon di un mucha. Esei ta sosodé ora e problemanan den un famia ta hopi grave. I ora siguridat di un mucha ta na peliger. Un famia tambe por risibí yudansa obligatorio ora asistensia boluntario no ta yuda. Òf ora no ta aseptá yudansa boluntario.
Por sosodé ku e alrededor ta hopi preokupá pa un mucha. Por ehèmpel e dòkter di kas, un dosente na skol, òf bisiñanan. Nan por rekurí na Jeugdzorg. E ora ei Jeugdzorg por entregá un petishon pa asistensia obligatorio serka Konseho di Tutela.
Solamente un hues por determiná si mester pone un mucha bou di supervishon. Tin biaha un mucha mester bai biba na un otro adrès òf serka un famia di kriansa (temporalmente). Esaki ta algu drástiko. P’esei lo hasi esaki solamente ora esaki ta e opshon di mas seif pa un mucha.
Naturalmente, un famia mes semper tambe por pidi yudansa serka Jeugdzorg. Si e situashon no ta seif, no warda e ora ei! Buska yudansa mesora si den bo famia por papia di:
- Violensia doméstiko
- Maltrato
- Negligensia
- Abuzu seksual