Hasi e diferensia pa un hóben karibense na Hulanda
Algun hóben for di Boneiru, Sint Eustatius i Saba ta biba temporalmente na Hulanda — hopi biaha sin nan ret sosial di konfiansa. Pa e hóbennan aki, Jeugdzorg Hulanda Karibense ta buska famianan di kriansa embolbí (den wikènt) òf personanan ku por duna sosten na Hulanda ku insidentalmente – òf si ta posibel/deseá riba un base permanente – por ofresé nan un lugá seif i di konfiansa.
Kiko abo por nifiká?
Komo mayor di kriansa òf persona ku por duna sosten bo ta ofresé un hóben:
- Un bonbiní kaluroso den wikènt òf durante fakansinan;
- Un lugá pa sosegá, pafó di e alrededor di kada dia;
- Rekonosementu, komprenshon i sosten – sigur si boso ta kompartí e mesun trasfondo kultural.
Ta un bentaha si bo ta papia papiamentu òf ingles òf ta konosí ku e kultura di e islanan.
Asina e ta traha
- Por registrá via bes@expertiseteamcomplexezorg.nl.
- Despues di registrá ta sigui seramentu konosí, entrenamentu i guia, den kolaborashon ku William Schrikker Gezinsvormen (WSGV, asistensia spesialisá di kalidat haltu pa hóben).
- Despues lo trese personanan adekuá huntu ku un hóben ku ya ta bibando na Hulanda kaba òf ta bini pronto.
Bo konosé un hende na Hulanda ku lo ke konsiderá pa hasi esaki?
Kisas un miembro di famia, un konosí òf un amigu(a) ku un trasfondo hulandes-karibense? Kompartí e aviso aki i yuda nos pa ofresé e hóbennan aki un ret kaluroso.